Јас сум д-р Катица Стоименовска Мантова, доктор по психолошки науки, лиценциран психолог, семеен и системски психотерапевт и ЕМДР практичар. Дополнително, имам основно ниво за емоционално фокусирана терапија и когнитивно-бихевиорална терапија. Веќе тринесет години работам како универзитетски професор, фокусирана на областа на развојната психологија и психотерапијата. Континуирано се надградувам преку активно учество во обуки, работилници, семинари, научни конференции и конгреси.Во мојата професионална приватна пракса, која трае повеќе од шест години, работам со цел да помогнам на моите клиенти да подобрат квалитетот на својот живот. Мојата главна цел е да им пружам поддршка и безбедно место за истражување и надминување на нивните предизвици и проблеми.Овој професионален ангажман го надополнувам со истражувачка работа, активно учество во академски кругови и публикации во научни списанија. Мојата страст кон психологијата и посветеност кон професионалниот развој ме мотивираат да продолжам да ги стекнувам новите знаења и вештини кои ќе ми помогнат да бидам компетентна и ефикасна во работата со моите клиенти.