Својата професија ја имам применето во повеќе области на психологијата и психотерапијата, почнувајќи од волонтерство на Клиника за психијатрија Скопје, каде применив но и стекнав вештини и техники како психолог во областа на дијагностика и подобрување на квалитетот на живот на пациентите и нивните семејства, подоцна своето знаење го продлабочив со едукација од областа на семејна и системска психотерапија при што сум семеен советник и вештините стекнати од областа на психотерапија ги користам со клинети во Здружение на клубови на лекувани алкохоличари на РСМ во групна и индивидуална терапија. Како психолог во основно училиште техниките од семејна и системска психотерапија ми даваа насоки во работа со деца и адолесценти и соочување со нивните развојни проблемо како и надминување на истите. Како вработена на позиција психолог во центар за социјална работа, односно во одделение за брак семејство и семејно насилство, психотерапевтските техники ги применувам за подобрување на партнерски односи, подобруваење на односи родител-дете како и преобразување на дисфункционалните образци на однесување во едно семејство во функционални.