Јас сум дипломиран и лиценциран психолог на Универзитетот Св. Кирил и Методиј - Скопје , Филозофски факултет – институт за психологија и при Комора на психолози на Република Македонија. Воедно сум гешталт терапевт во едукација и го имам завршено тренингот за базично ниво (ниво I и II) EMDR ( Eye Movement Desensitization and Reprocessing). Најблагородното нешто во работата како советник е можноста клиентите да ги изразат своите најдлабоки чувства и мисли во сигурна средина која е ослободена од секакви предрасуди. Нема поголемо задоволство од тоа да се биде дел од процесот во кој личноста учи да се сака и прифаќа себе си . Работата на себе ќе би овозможи да ја зголемите свесноста за себе и сопствените потреби, а со тоа и да го пронајдете патот кон остварување на сопствените потенцијали. Спознавањето на себе си и превземањето на одговорност за сопствените потреби и постапки несомнено водат кон раст и развој. Во склоп на Центарот за ментално здравје на деца и младина при Клиничката болница во Битола, специјализирана сум за работа со следните психодијагностички тестови и техники : интервју, WISC, WB – II, ВИТИМ, Lauretta Bender – Gestalt Test – R, Lüscher color test, Vineland Adaptive Behavior Scales, Goodenough test, MMPI – 201 и 202, " Draw a Man" , " Machover Test ", " Draw – the Family Test ". Како и советување на деца и родители и работа со комисиите за категоризација на деца и млади со посебни потреби.