Допишување – 800 денари
Аудио Повик – 1400 денари
Видео повик – 1800 денари
Јас сум Маргарита Николовска, магистер по психолошки науки, отсек клиничка психологија и психолошко советување, дипломиран психолог и сертифициран психотерапевт. Психолог сум вработен во ЈУ Специјален завод Демир Капија, а работам и како психотерапевт во Здружение за психотерапија и едукација „Амигдала“- Скопје. Повеќе од десет години активно работам и водам индивидуална и групна психотерапија и психолошко советување со поединци и групи. Најчести проблеми со кои се среќавав се релациони и адаптациони проблеми, проблеми на ниска самодоверба и повлеченост, стравови, фобии, анксиозни состојби и панични напади, проблеми на работното место и реализирање на потенцијалите, проблеми со сонот и исхраната, и слично. Освен ова координирав и учествував во домашни и меѓународни проекти. Организирам и водам работилници од најразлични теми со цел личен развој и психоедукација на адолесценти и млади. Покрај ова тренер сум за психодрама психотерапија и учествувам во тренинг и едукација на психолози во рамките на Амигдала, тренинг за психодрама психотерапија. Постојано посетувам семинари и работилници од различни психотераписки пристапи со цел да стекнам што повеќе алатки за работа со клиентите. Мајка сум на две ќерки и активен член на заедницата преку често вклучување во хуманитарни акции.
Јас сум психодрама психотерапевт и силен застапник на овој психотераписки пристап, кој е многу креативен практичен и делотворен. Освен психодрамата во работата употребувам се што сметам дека ќе му користи на клиентот во специфична ситуација и дека одговара на неговиот менталитет. Така што со повеќето клиенти употребувам различни психотераписки и советувачки пристапи во текот на советувањето или психотерапијата, а честопати и во текот на една сесија ги менувам техниките. Употребувам техники и алатки и од гешталт ,когнитивно -бихевиеорална, терапија усмерена на тело, егзистенцијалистичка, клиентоцентрична терапија и се што сметам дека е потребно во моментот, при тоа комбинирајќи ги и моделирајќи ги техниките. Преку Разговор.мк на клиентите најмногу им помагам во работа на нивен личен раст и развој, развој на нивната емоционална интелигенција, релациони проблеми т.е. односот со самите себе си и со другите, справување со чувствата на страв, срам и лутина, анксиозни состојби ,панични напади и состојби при загуби. Заедно со клиентите најмногу работиме на зајакнување на нивните его сили, намалување на притисокот кој си го вршат самите на себе, работиме на нивната самодоверба, самопочит и себе прифаќање. Заедно со клиентот работиме преку создавање на безбедна средина како простор за работа и растење, зајакнување на клиентите да бидат отворени за различни перцепции, разбирање и доживување на нови животни искуства самоприфаќање: развивање на позитивен став кон себе, создавање позитивна слика за себе, ослободување од чувството на инфериорност, вина, страв, срам.
Пополни ја формата подолу и сподели го накратко проблемот со кој се соочуваш. Ќе добиеш краток бесплатен одговор и можност за попуст или бесплатна сесија од психологот.
Еве што велат клиентите на Маргарита Николовска за работата и искуството со нив.
Разговор.мк е платформа за ментално здравје чија мисија е да го направи себе-откривањето јасно, лесно и пристапно за сите. Со над 80 лиценцирани психолози достапни за сесии преку нашата мобилна апликација чекориме кон остварување на нашата визија за светот.
Разговор.мк – секогаш тука за тебе!