Мојот интерес за психологијата и психотерапијата започна уште од средното образование после кое се одлучив да студирам на отсекот по психологија на Универзитетот св. Кирил и Методиј во Скопје. По завршувањето на магистерските и докторските студии во Грција и во Америка, се посветив на професионална работа во полето на човечкиот развој при што имав различни улоги во различни организации. Паралелно со моето студирање во формално образование, јас се надградував со вештини и знаења за уште една професија-психотерапија, во рамките на Советувалиште за Хумана Соработка-Гешталт тренинг институт. Дополнително посетував обуки кои ме квалификуваа како Кариерен советник, Менаџмент консултант и Мастер тренер за ментално здравје. Веќе 12 години, професионално ја развивам мојата кариера и сум инволвирана во многу проекти во полето на развој на човекови ресурси, организациска психологија, ментално здравје и психотерапија, при што континуирано имам прилика да го комбинирам своето академско знаење со динамична и предизвикувачка практична работа. Од 2006 година па до денес, јас сум ангажирана како предавач во различни академски институции, во областите на психологија и организациски развој. Паралелно со мојот академски ангажман, од 2003 година јас сум активно вклучена во пишување и имплементација на проекти во невладиниот сектор најчесто како тренер, консултант и истражувач. Во контекст на мојот ангажман во невладиниот сектор, во 2013 година, сум назначена за претседател на Македонската Асоцијација на Гешталт Психотерапија. Во 2010, основав сопствен бизнис, додека во моментов имам улога на управител во Советувалиште за хумана соработка-Гешталт тренинг институт. Институтот е акредитиран од Европската асоцијација за Гешталт терапија и претставува центар за едукација, услуги и истражување во областа на Гешталт терапијата. Јас сум лиценциран психолог во рамките на Психологија на труд со посебна лиценца за вршење на дејност-Психотерапија во областа на Гешталт психотераписки правец. Во 2013 станав индивидуален член на Европската асоцијација за гешталт терапија, додека во 2015 се стекнав со Европски сертификат за психотерапија. Во моментот активно работам индивидуална и групна терапија со клиенти како и континурана едукација на студенти кои се едуцираат да станат идни Гешталт терапевти и советници.