Јас сум Теодора Алексијоска дипломиран психолог на Институтот за психологија, при Филозофски факултет на УКИМ и лиценциран психолог. Едукант во трета година по Гешталт психотерапија и советување. Магистрант во завршна фаза по клиничка и советодавна психологија. Дополнително поседувам сертификати за клиничка невропсихологија и невропсихолошка дијагностика како и невропсихолошка рехабилитација. Веќе две години работам во одделот за кардиоваскуларна рехабилитација при ЈЗУ Специјализирана болница за превенција, лекување и рехабилитација на кардиоваскуларни заболувања во Охрид, каде се стекнав со огромно искуство во областа на психолошка помош, советување и психотерапија кај лица кои се во постоперативен период. Покрај тоа, работам со лица кои се соочуваат со кризни периоди, анксиозност, панични напади, страв и стрес. Мојата цел е подигнување на свесноста за менталното здравје кај лица од различна возраст, особено кај лицата со здравствени проблеми или постоперативни состојби, кои се соочуваат со страв, стрес и анксиозност од самата состојба.