Јас сум дипломиран, лиценциран психолог, психодрама терапевт и магистер по психолошки науки - Клиничка и советодавна психологија. Имам завршено едукација од областа на психодијагностиката. Континуирано посетувам семинари и работилници од различни трапевтски правци и со големо задоволство истражувам и учам на полето на психологијата, психотерапијата, психопатологијата и mindfulness. Сопруга сум и мајка на три деца. Сметам дека учењето трае доживотно и дека од секого и секоја релација, секогаш може да се научи нешто ново и да стекнеме ново искуство. Вработена сум во ЈЗУ Општа болница со проширена дејност Гевгелија и мојата секојдневна работа опфаќа психолошко советување, групна и индивидуална психотерапија и психодијагностика со клиенти од различна возраст и различна проблематика. Со задоволство би истакнала дека успешно ја промовирам психолошката и психотерапевтската дејност, заради што се повеќе се зголемува свесноста за потребата за работа на себе и унапредување на менталното здравје и се поголем е бројот на оние кои се охрабриле да побараат помош од стручно лице. Секогаш кога е потребно се вклучувам во волонтерски акции.