Дипломиран психолог на Институтот за психологија при УКИМ и член на Комората на психолози на Р.М со општа лиценца за вршење на психолошка дејност. Во текот на образованието се впуштив во водите на волонтерството и НВО активизмот при што во факултетските денови бев актуелен претседател на Здружението на студенти по психологија ПСИХЕСКО во период од 2019-2021г. По дипломирањето учествувам во организација и реализација на повеќе едукативни настани и работилници со деца и млади. Работата со деца и адолесценти сметам дека е важна и исклучително сензитивна бидејки во целокупниот развој на личноста, детството има голема улога во обликување на истата. Од тој аспект значително се залагам за подигање на свеста за менталното здравје како и за почитување на правата на децата и градење на здрава релација со родителите. Сакам да работам и со деца и млади со посебни образовни потреби и развојни проблеми. Од особен интерес ми е применета психологија, со што учествувам во работилници од областа на психологијата и сродни науки. Доедукација имам за: Проективни и Play техники во работа со деца, Антистрес терапија со примена на автоген тренинг, TA101 Course за трансакциска анализа под менторство на Marina Banic (Белград), Меѓуврсничко насилство - справување и третман а моментално сум на едукација за невропсихологија и невропсихолошка дијагностика. Од кариерно искуство во моментов работам како координаторка на АлоБушавко - СОС телефонот за деца и млади при Првата детска амбасада во светот Меѓаши и сум професор по психологија во СУГС Панче Арсовски - Скопје.