Често поставувани прашања (FAQs)
Што е разговор.мк?
Разговор.мк е платформа која е посветена на емоционална едукација и подобрено ментално здравје за сите. Вистински веруваме дека основата на личниот раст и ментална издржливост лежи во психотерапијата и подобро разбирање за нашето внатрешно јас. Користејќи ја нашата апликација, можете да стапите во контакт со лиценциран терапевт по ваша погодност, без оглед на вашата локација. Услугата ја спроведуваат независни психолози и психотерапевти кои директно соработуваат со вас. Овие практичари не се поврзани со Разговор.мк како вработени и платформата не врши професионален надзор над нив. Нашата примарна цел е да воспоставиме, одржиме и понудиме услуга која овозможува беспрекорна комуникација помеѓу корисниците и терапевтите, овозможувајќи полесно справување со животните тешкотии преку лесно достапна и исплатлива поддршка.
Како функционира онлајн терапијата?
Онлајн терапијата вклучува поврзување со лиценциран терапевт по ваш избор преку безбеден видео повик, допишување или телефонски повик. Ви овозможува далеку попристапни цени и професионална поддршка за вашето ментално здравје од удобноста на вашиот сопствен простор.
Дали онлајн терапијата е исто толку ефикасна како и терапијата во живо?
Да, онлајн терапијата може да биде исто толку ефикасна како и терапијата со физичко присуство за многу проблеми со менталното здравје. Обезбедува погодност и пристапност додека го одржува истото ниво на професионална грижа.
Како да го изберам вистинскиот терапевт за мене?
Нашата платформа нуди повеќе од 80 лиценцирани терапевти. Профилите на сите терапевти се достапни на апликацијата со релевантен опис за нивната специјализација и релевантен фидбек од корисници кои веќе имале разговор со нив. При регистрација, добивате можност да побарате бесплатен совет и да закажете првична консултација за да добиете увид дали одбраниот терапевт ќе одговара на вашите потреби и преференции.
Доколку сакате да видите кои терапевти моментално работат на Разговор.мк – кликнете тука.
Дали моите информации и комуникација со терапевтот се заштитени?
Да, вашата приватност и доверливост се од најголема важност. Вашите разговори со психологот или терапевтот се енкриптирани и не постои можност некој друг да добие пристап до нив. Дополнително, вашите лични информации и тераписки сесии остануваат приватни и заштитени.
Кои видови проблеми со менталното здравје може да се решаваат со помош на онлајн терапија?
Онлајн терапијата може да одговори на широк спектар на проблеми со менталното здравје.
Нашите терапевти се тука да ви овозможат да прераснете во најдобрата верзија од себе: ослободени од прекумерна анксиозност, подготвени за позитивни врски, помалку погодени од срам, поврзани со другите, самоуверени, креативни и издржливи.
Како можам да закажам сесија и како да изберам терапевт кој одговара на моите потреби и буџет?
Закажувањето се врши преку нашата апликација. Кога ќе влезете во апликацијата, можете да ја разгледате нашата листа со терапевти, со различен тип на терапија, цена и достапност. Има опција да ги филтрирате терапевтите врз основа на вашите преференции. Откако ќе пронајдете терапевт кој одговара на вашите потреби, едноставно изберете достапен временски термин кој ви одговара. Дополнително, како бонус, можете да добиете и бесплатна консултација за првични совети кога првпат ќе влезете во апликацијата. Ова ќе ви овозможи накратко да ги објаснете вашите грижи и да добиете увид како нашите терапевти можат да ви помогнат.